سورة الصافات

وَإِنَّ إِلْيَاسَ لَمِنَ الْمُرْسَلِينَ

اور بے شک الیاس (٣٠) بھی پیغمبروں میں سے تھے

(30) پانچواں واقعہ الیاس (علیہ السلام) کا ہے، جن کا نام بنی اسرائیل کی کتابوں میں ” ایلیا“ آیا ہے، ان کا زمانہ سلیمان (علیہ السلام) کے بعد کا تھا۔ انہیں شہر بعلبک اور اس کے گردونواح میں رہنے والے بنی اسرائیل کے لئے اس وقت نبی بنا کر بھیجا تھا، جب ان میں بت پرستی پھیل گئی تھی، لوگ اللہ کے بجائے بتوں کی پرستش کرتے تھے اور ہر قسم کا نذر و نیاز اور قربانی انہی کے نام سے کرتے تھے اور تورات کے احکام کو پس پشت ڈال دیا تھا۔