سورة الصافات

قَالُوا ابْنُوا لَهُ بُنْيَانًا فَأَلْقُوهُ فِي الْجَحِيمِ

وہ آپس میں کہنے لگے کہ تم لوگ اسے جلانے کے لئے ایک آتش کدہ (٢٣) بناؤ، پھر اسے اس آگ میں ڈال دو

(23) قوم ابراہیم کے پاس جب اپنے شرک و کفر کی تائید میں کوئی دلیل باقی نہیں رہی اور ابراہیم (علیہ السلام) کی صریح اور واضح دلیل نے انہیں لاجواب کردیا تو انہوں نے ظلم و جبروت کی راہ اختیا رکی، جو حق کی آواز کو دبانے کے لئے ظالموں اور جابروں کا ہمیشہ سے شیوہ رہا ہے۔ انہوں نے طے کیا کہ ایک بہت بڑی آگ جلا کر ابراہیم کو اس میں ڈال دیں۔