سورة سبأ - آیت 0

بِسْمِ اللَّهِ الرَّحْمَٰنِ الرَّحِيمِ

میں شروع کرتا ہوں اللہ کے نام سے جو نہایت مہربان، بے حد رحم کرنے والا ہے

سورۃ سبا مکی ہے، اس میں چون آیتیں، اور چھ رکوع ہیں تفسیر سورۃ سبا نام : آیت (15) ﴿لَقَدْ كَانَ لِسَبَإٍ فِي مَسْكَنِهِمْ آيَةٌ﴾ سے ماخوذ ہے۔ زمانہ نزول : ابن مردویہ نے اور بیہقی نے اپنی کتاب (الدلائل) میں ابن عباس (رض) سے روایت کی ہے کہ یہ سورت مکہ میں نازل ہوئی تھی۔ قرطبی لکھتے ہیں کہ یہ سورت سب کے نزدیک مکی ہے، صرف آیت (6) کے بارے میں اختلاف ہے۔ بعض کے نزدیک یہ آیت مدنی ہے۔