سورة العنكبوت - آیت 42

إِنَّ اللَّهَ يَعْلَمُ مَا يَدْعُونَ مِن دُونِهِ مِن شَيْءٍ ۚ وَهُوَ الْعَزِيزُ الْحَكِيمُ

ترجمہ تیسیر الرحمن لبیان القرآن - محمد لقمان سلفی

بے شک اللہ ہر چیز کو جانتا ہے جسے وہ لوگ اللہ کے سوا پکارتے ہیں اور وہ بڑا زبردست بڑی حکمتوں والا ہے

تفسیرتیسیرارحمٰن - محمد لقمان سلفی

اس لیے آیت 42 میں اللہ تعالیٰ نے دھمکی دیتے ہوئے فرمایا کہ مشرکین اس کے سوا جن باطل معبودوں کی پرستش کرتے ہیں اسے ان (معبودوں) کا خوب علم ہے اور وہ غالب وحکیم ہے ان مشرکانہ اعمال کا بدلہ انہیں ضرور چکائے گا۔