سورة العنكبوت - آیت 23

وَالَّذِينَ كَفَرُوا بِآيَاتِ اللَّهِ وَلِقَائِهِ أُولَٰئِكَ يَئِسُوا مِن رَّحْمَتِي وَأُولَٰئِكَ لَهُمْ عَذَابٌ أَلِيمٌ

ترجمہ تیسیر الرحمن لبیان القرآن - محمد لقمان سلفی

اور جو لوگ اللہ کی آیتوں اور اس سے ملاقات کے منکر ہیں وہی میری رحمت سے ناامید ہیں اور انہی کے لئے دردناک عذاب ہے

تفسیرتیسیرارحمٰن - محمد لقمان سلفی

آیت 23 میں فرمایا کہ جو لوگ اس دنیا میں اللہ کی ان آیتوں کا انکار کرتے ہیں جو اس نے اپنے انبیاء پر نازل کی ہیں اور قیامت کے دن اس کے حضور کھڑے ہو کر حساب دینے کا انکار کرتے ہیں وہ لوگ اس دن جب سب کچھ اپنی آنکھوں سے دیکھ لیں گے تو اپنے کرتوتوں کو سوچ سوچ کر اللہ کی رحمت اور اس کی جنت سے بالکل ناامید ہوجائیں گے اور بالآخر ان کاٹھکانا جہنم ہوگی جس میں انہیں دردناک عذاب دیا جائے گا۔