سورة العنكبوت - آیت 5

مَن كَانَ يَرْجُو لِقَاءَ اللَّهِ فَإِنَّ أَجَلَ اللَّهِ لَآتٍ ۚ وَهُوَ السَّمِيعُ الْعَلِيمُ

ترجمہ تیسیر الرحمن لبیان القرآن - محمد لقمان سلفی

جوشخص اللہ سے ملنے کی توقع (٤) رکھتا ہے وہ جان لے کہ اللہ کا مقرر کردہ وقت یقینا آنے والا ہے اور وہ بڑا سننے والا ہے اور ہر بات جاننے والا ہے

تفسیرتیسیرارحمٰن - محمد لقمان سلفی

(4) اس لیے جو لوگ آخرت پر ایمان رکھتے ہیں اور یقین رکھتے ہیں کہ اللہ کے سامنے انہیں کھڑا ہوکراپنے اعمال کا حساب دینا ہوگا وہ اپنے زبانی دعوی پر اکتفا نہ کریں بلکہ شرک اور گناہوں سے اجتناب کریں اور عمل صالح کرتے رہیں تاکہ اس دن ذلت ورسوائی کا سامنا نہ کرناپڑے اور جنت ان کا مقام بنے۔