سورة القصص - آیت 19

فَلَمَّا أَنْ أَرَادَ أَن يَبْطِشَ بِالَّذِي هُوَ عَدُوٌّ لَّهُمَا قَالَ يَا مُوسَىٰ أَتُرِيدُ أَن تَقْتُلَنِي كَمَا قَتَلْتَ نَفْسًا بِالْأَمْسِ ۖ إِن تُرِيدُ إِلَّا أَن تَكُونَ جَبَّارًا فِي الْأَرْضِ وَمَا تُرِيدُ أَن تَكُونَ مِنَ الْمُصْلِحِينَ

ترجمہ تیسیر الرحمن لبیان القرآن - محمد لقمان سلفی

پس جب انہوں نے اس آدمی پر حملہ کرنا چاہا جوان کا دشمن تھا اس نے کہا اے موسیٰ کیا تم مجھے قتل کردینا چاہتے ہو، جس طرح کل گزشتہ تم نے ایک آدمی کو قتل کیا تھا تم تو زمین میں ظالم وسرکش بن کررہنا چاہتے ہو اصلاح کرنے والے نہیں بننا چاہتے ہو

تفسیرتیسیرارحمٰن - محمد لقمان سلفی

پھر قبطی کو پکڑنے کے لیے دوڑے جو کافر تھا اور ان کا اور اس اسرائیلی کا دشمن تھا تو اس نے ان سے کہا کہ کل تم ایک قبطی کو قتل کرچکے ہو اور آج مجھے قتل کرنا چاہتے ہو تم سرزمین میں ظالم جابر بن کررہنا چاہتے ہو اصلاح پسند نہیں بنا چاہتے ہو۔