سورة الفرقان - آیت 37

وَقَوْمَ نُوحٍ لَّمَّا كَذَّبُوا الرُّسُلَ أَغْرَقْنَاهُمْ وَجَعَلْنَاهُمْ لِلنَّاسِ آيَةً ۖ وَأَعْتَدْنَا لِلظَّالِمِينَ عَذَابًا أَلِيمًا

ترجمہ تیسیر الرحمن لبیان القرآن - محمد لقمان سلفی

اور نوح کی قوم (١٧) نے جب رسولوں کو جھٹلا دیا تو ہم نے انہیں ڈبو دیا، اور لوگوں کے لئے انہیں نشان عبرت بنا دیا اور ہم نے ظالموں کے لئے دردناک عذاب تیار کر رکھا ہے۔

تفسیرتیسیرارحمٰن - محمد لقمان سلفی

17۔ اللہ تعالیٰ نے نوح (علیہ السلام) کو بھی دعوت توحید دے کر ان کی قوم کے پاس بھیجا، لیکن ہزار کوشش کے باوجود وہ لوگ ایمان نہیں لائے، اور نوح (علیہ السلام) اور ان سے قبل کے تمام انبیاء کی تکذیب کردی، تو اللہ تعالیٰ نے انہیں طوفان کے ذریعہ ہلاک کردیا، اور آنے والے لوگوں کے لیے ان کی ہلاکت کو درس عبرت بنا دیا، اور آخرت میں تو دردناک عذاب ان ظالموں کا انتظار کر رہا ہے