سورة طه - آیت 16

فَلَا يَصُدَّنَّكَ عَنْهَا مَن لَّا يُؤْمِنُ بِهَا وَاتَّبَعَ هَوَاهُ فَتَرْدَىٰ

ترجمہ تیسیر الرحمن لبیان القرآن - محمد لقمان سلفی

پس آپ کو اس کی فکر سے وہ شخص غافل (٧) نہ کردے جو اس پر ایمان نہیں رکھتا ہے اور اپنی خواہش کی اتباع کرتا ہے ورنہ آپ ہلاکت میں پڑجائیے گا۔

تفسیرتیسیرارحمٰن - محمد لقمان سلفی

(7) اللہ تعالیٰ نے موسیٰ (علیہ السلام) کو نصیحت کی، کہیں ایسا نہ ہو کہ منکرین آخرت اور خواہشات کی اتباع کرنے والے آپ کو آخرت پر ایمان لانے سے روک دیں، یعنی آپ ایسے لوگوں کی پیروی نہ کیجیے جو آخرت کا انکار کرتے ہیں، اور جن کی زندگی کا مقصد حصول لذت دنیا ہے وہ حصول رضائے مولی سے بالکل غافل ہیں۔