سورة مريم - آیت 36

وَإِنَّ اللَّهَ رَبِّي وَرَبُّكُمْ فَاعْبُدُوهُ ۚ هَٰذَا صِرَاطٌ مُّسْتَقِيمٌ

ترجمہ تیسیر الرحمن لبیان القرآن - محمد لقمان سلفی

اور بیشک اللہ ہی میرا اور تمہارا رب ہے (١٨) اس لئے اسی کی عبادت کرو، اور یہی سیدھی راہ ہے۔

تفسیرتیسیرارحمٰن - محمد لقمان سلفی

(18) یہ عیسیٰ (علیہ السلام) کے کلام کا تتمہ ہے کہ بیشک اللہ ہی میرا اور تمہارا رب ہے اس لیے اسی کی عبادت کرو، یہی سیدھی راہ ہے جو اس پر چلے گا رشد و ہدایت پائے گا اور جو اس کی مخالفت کرے گا وہ گمراہ ہوجائے گا۔