سورة الكهف - آیت 5

مَّا لَهُم بِهِ مِنْ عِلْمٍ وَلَا لِآبَائِهِمْ ۚ كَبُرَتْ كَلِمَةً تَخْرُجُ مِنْ أَفْوَاهِهِمْ ۚ إِن يَقُولُونَ إِلَّا كَذِبًا

ترجمہ تیسیر الرحمن لبیان القرآن - محمد لقمان سلفی

نہ وہ اس سے متعلق کوئی علم رکھتے ہیں اور نہ ہی ان کے آباواجداد، یہ ایک بڑی بات ہے جو ان کے منہ سے نکلا کرتی ہے، وہ لو گ سراسر جھوٹ بولتے ہیں،۔

تفسیرتیسیرارحمٰن - محمد لقمان سلفی

اور آیت (5) میں بیان کیا گیا ہے کہ یہ ایسی جھوٹی بات ہے جس کی بنیاد جہالت، توہم پرستی اور باپ دادوں کی اندھی تقلید پر ہے، اسی لیے اللہ تعالیٰ نے اس کی انتہا درجہ کی برائی بیان کرتے ہوئے فرمایا کہ انہوں نے اللہ رب العالمین کے خلاف اپنے منہ سے ایسی غلط بات نکالی ہے جس کا حقیقت و واقعہ سے ذرہ برابر بھی تعلق نہیں ہے، یہ محض افترا پردازی ہے۔