(61) اس آیت کریمہ میں کفار مکہ کے لیے ایک قسم کی دھمکی ہے، اللہ تعالیٰ نے آپ کو حکم دیا کہ آپ ان سے کہہ دیجیے میں نے بحیثیت رسول، اللہ کا پیغام تم تک پہنچا دیا ہے اور میری صداقت و امانت پر خود اللہ گواہ ہے جو اپنے بندوں کے تمام احوال سے باخبر ہے اور انہیں دیکھ رہا ہے اور قیامت کے دن ہر ایک کو اپنے عدل و انصاف کے ساتھ اس کے اعمال کا بدلہ چکائے گا۔ اس لئے اے کفار مکہ ! تمہارے لیے خیر اسی میں ہے کہ میری نبوت پر ایمان لے آؤ، اور دین اسلام کو قبول کرلو۔