سورة ھود - آیت 121

وَقُل لِّلَّذِينَ لَا يُؤْمِنُونَ اعْمَلُوا عَلَىٰ مَكَانَتِكُمْ إِنَّا عَامِلُونَ

ترجمہ تیسیر الرحمن لبیان القرآن - محمد لقمان سلفی

اور جو لوگ ایمان نہیں لاتے ہیں آپ ان سے کہہ دیجئے کہ تم اپنی جگہ پر جو چاہو کئے جاؤ (٩٨) بیشک ہم لوگ بھی اپنے دین پر عمل کئے جائیں گے۔

تفسیرتیسیرارحمٰن - محمد لقمان سلفی

(98) مذکور ذیل دونوں آیتوں میں مشرکین مکہ کو سخت دھمکی دی جارہی ہے کہ اگر تم دعوت اسلام کو قبول نہیں کرتے ہو اور اپنے کفر پر تمہیں اصرار ہے تو ٹھیک ہے، پھر تم اپنی جگہ جو چاہو کیے جاؤ، ہم بھی اپنی جگہ اسلام پر کار بند رہتے ہیں، اور تم بھی اپنے انجام بد کا انتظار کرلو، ہم بھی اللہ کی جانب سے فتح و نصرت کا انتظار کرلیتے ہیں۔