سورة التوبہ

لَا تَعْتَذِرُوا قَدْ كَفَرْتُم بَعْدَ إِيمَانِكُمْ ۚ إِن نَّعْفُ عَن طَائِفَةٍ مِّنكُمْ نُعَذِّبْ طَائِفَةً بِأَنَّهُمْ كَانُوا مُجْرِمِينَ

اب (جھوٹی) معذرت نہ پیش کرو، تم لوگ ایمان لانے کے بعد دوبارہ کافر ہوگئے ہو، اگر ہم تم میں سے ایک گروہ کو (ان کے تائب ہوجانے کے بعد) معاف کردیں گے، تو دوسرے گروہ کو، اس لیے کہ وہ مجرمین تھے، ضرور سزا دیں گے

آیت 66 میں اللہ تعالیٰ نے ان منافقین کو مخاطب کر کےکہا کہ ابھی کوئی عذر قابل قبول نہیں، تمہارا کفر ظاہر ہوچکا۔ البتہ جو لوگ توبہ کرلیں گے اور اپنی اصلاح کرلیں گے تو ہم انہیں معاف کردیں گے، لیکن جو لوگ اپنے نفاق پر اصرار کریں گے، اور اسی طرح قرآن اور اسلام کا مذاق اراتے رہیں گے، اور نبی کریم (ﷺ) کو ایذا پہنچاتے رہیں گے تو ان جرائم کی پاداش میں ہم انہیں ضرور سزا دیں گے۔