سورة الانفال - آیت 68
لَّوْلَا كِتَابٌ مِّنَ اللَّهِ سَبَقَ لَمَسَّكُمْ فِيمَا أَخَذْتُمْ عَذَابٌ عَظِيمٌ
ترجمہ تیسیر الرحمن لبیان القرآن - محمد لقمان سلفی صاحب
اگر اللہ کی طرف سے ایک بات پہلے سے نوشتہ (57) نہ ہوتی، تو تم نے جو مال قیدیوں سے لیا ہے اس کے سبب سے ایک بڑا عذاب تمہیں آلیتا
تیسیر الرحمن لبیان القرآن - محمد لقمان السلفی رحمہ اللہ
(57) یہاں کتاب سے مراد لوح محفوظ ہے اللہ تعالیٰ کے علم میں یہ بات پہلے سے تھی جو لوح محفوظ میں بھی لکھی ہوئی تھی کہ امت اسلامیہ کے لیے مال غنیمت حلال کردیا جائے گا اسی لیے اللہ تعالیٰ نے معاف کردیا ورنہ فدیہ لے کر کفار قریش کو آزاد کرنے پر اللہ کا عذاب مسلمانوں پر آہی جاتا۔