سورة مريم

يَرِثُنِي وَيَرِثُ مِنْ آلِ يَعْقُوبَ ۖ وَاجْعَلْهُ رَبِّ رَضِيًّا

جو (دعوتی کاموں میں) میرا اور آل یعقوب کا وارث بنے، اور میرے رب ! اسے تو سب کا محبوب بنا۔

[٨] علماء انبیاء کے وارث ہیں :۔ یہاں وراثت سے مراد علم دین کی وراثت ہے۔ کیونکہ انبیاء کی یہی وراثت ہوتی ہے۔ جیسا کہ ارشاد نبوی صلی اللہ علیہ وسلم ہے ”ان العلماء ھم ورثۃ الانبیاء“ (بخاری، کتاب العلم، باب العلم قبل القول والعمل) ’’یعنی علماء حضرات ہی انبیاء کے وارث ہوتے ہیں‘‘ پھر میرے اس لڑکے کو اپنا پسندیدہ بھی بنایا اس کا یہ مطلب ہے کہ اس کے اخلاق و کردار اس قدر پاکیزہ ہوں کہ وہ سب لوگوں کی نظر میں مقبول و محبوب اور پسندیدہ ہو۔