سورة الاعراف

وَالَّذِينَ كَذَّبُوا بِآيَاتِنَا وَاسْتَكْبَرُوا عَنْهَا أُولَٰئِكَ أَصْحَابُ النَّارِ ۖ هُمْ فِيهَا خَالِدُونَ

اور جو لوگ میری آیتوں کو جھٹلائیں گے اور کبر و غرور کی وجہ سے ان سے منہ موڑیں گے، انہی کا ٹھکانا جہنم ہوگا، جہاں وہ ہمیشہ کے لیے رہیں گے

اس آیت میں اہل ایمان کے برعکس ان لوگوں کا انجام بیان کیا جارہا ہے جو اللہ کے احکام کی تکذیب کرتے اور تکبر کرتے ہیں، اہل ایمان اوراہل کفر دونوں کا انجام بتانے کا مقصدیہ ہے کہ لوگ اس کردار کو اپنائیں جس کا انجام اچھا ہے اور اس کردار سے بچیں جسکا انجام بُرا ہے۔ سورۃ محمد میں فرمایا: جن لوگوں نے کفر کیا ان کے لیے ہلاکت ہے۔ اللہ ان کے اعمال ضائع کردے گا۔ اکڑ بیٹھے سے مراد: اللہ کی آیات کو تکبر کی وجہ سے قبول نہیں کرتا، یہی لوگ آگ والے ہیں ہمیشہ اس میں رہیں گے۔