سورة الانعام - آیت 102

ذَٰلِكُمُ اللَّهُ رَبُّكُمْ ۖ لَا إِلَٰهَ إِلَّا هُوَ ۖ خَالِقُ كُلِّ شَيْءٍ فَاعْبُدُوهُ ۚ وَهُوَ عَلَىٰ كُلِّ شَيْءٍ وَكِيلٌ

ترجمہ تیسیر الرحمن لبیان القرآن - محمد لقمان سلفی صاحب

وہی اللہ تمہارا رب (98) ہے، اس کے علاوہ کوئی معبود (برحق) نہیں ہے، وہ ہر چیز کا پیدا کرنے والا ہے، پس تم لوگ اس کی عبادت کرو، اور وہ ہر چیز کا نگراں ہے

تسہیل البیان فی تفسیر القرآن - ام عمران شکیلہ بنت میاں فضل حسین

اللہ نے اپنا تعارف کرواتے ہوئے صفتِ رب کا ذکر کیا ہے وہ ہر چیز کا خالق۔ مالک رازق ہے اس کی ملکیت میں کوئی شریک نہیں، تدبیر اور تقدیر اسی کے اختیار میں ہے۔ جو صاحب اختیار ہے نظام زندگی دینے والا ہو، ہر کام بنانے والا ہے۔ نگران ہے اس لیے اُسی کی عبادت کرنی چاہیے۔