سورة المآئدہ

وَمَا لَنَا لَا نُؤْمِنُ بِاللَّهِ وَمَا جَاءَنَا مِنَ الْحَقِّ وَنَطْمَعُ أَن يُدْخِلَنَا رَبُّنَا مَعَ الْقَوْمِ الصَّالِحِينَ

اور ہم اللہ پر اور اس حق بات پر جو ہمارے پاس آچکی کیوں نہ ایمان لائیں، جب کہ ہم امید رکھتے ہیں کہ ہمارا رب ہمیں نیک لوگوں کی جماعت میں داخل کردے گا

پچھلی آیت میں کلام کی سماعت سے حق مل گیا۔ اب شک و شبہ ختم ہوگیا، اب انسان کو لالچ ہوجاتا ہے کہ اللہ ہمیں اپنے نیک بندوں میں شامل کرکے دین کی خدمت کا موقعہ دے دے۔ صالحین میں شامل ہونے کا فائدہ کیا ہے: فریضۂ شہادت حق آسان ہوجاتا ہے۔ اپنی زندگی میں تبدیلی لانا اور اس پر قائم رہنا آسان ہوجاتا ہے، مخالفتیں سننا آسان ہوجاتا ہے خاندانی اور معاشرتی تبدیلیوں کا راستہ آسان ہوجاتا ہے جنت کا راستہ آسان ہوجاتا ہے۔