سورة المآئدہ - آیت 57

يَا أَيُّهَا الَّذِينَ آمَنُوا لَا تَتَّخِذُوا الَّذِينَ اتَّخَذُوا دِينَكُمْ هُزُوًا وَلَعِبًا مِّنَ الَّذِينَ أُوتُوا الْكِتَابَ مِن قَبْلِكُمْ وَالْكُفَّارَ أَوْلِيَاءَ ۚ وَاتَّقُوا اللَّهَ إِن كُنتُم مُّؤْمِنِينَ

ترجمہ تیسیر الرحمن لبیان القرآن - محمد لقمان سلفی صاحب

اے ایمان والو ! جن اہل کتاب اور کافروں نے تمہارے دین کا مذاق (80) اڑایا اور اس کا تماشہ بنایا، انہیں اپنا دوست نہ بناؤ، اور اگر تم اہل ایمان ہو تو اللہ سے ڈرتے رہو

تسہیل البیان فی تفسیر القرآن - ام عمران شکیلہ بنت میاں فضل حسین

آیت نمبر ۵۲ سے لیکر اس آیت تک اللہ تعالیٰ ایمان والوں کو تاکید درتاکید فرما رہے ہیں کہ اہل کتاب ہوں یا دوسرے کا فر و مشکوک ہوں ان میں سے کسی سے بھی دوستی نہ گانٹھو۔ جو لوگ بھی اللہ کا، اللہ کے رسول کا، اللہ کی آیات کا اور دین کی دوسری باتوں کا مذاق اڑاتے ہیں، ان میں سے کسی سے بھی دوستی نہ گانٹھو، ایسے لوگ کبھی تمہارے خیر خواہ نہیں ہوسکتے۔