سورة النسآء - آیت 151

أُولَٰئِكَ هُمُ الْكَافِرُونَ حَقًّا ۚ وَأَعْتَدْنَا لِلْكَافِرِينَ عَذَابًا مُّهِينًا

ترجمہ تیسیر الرحمن لبیان القرآن - محمد لقمان سلفی صاحب

حقیقت معنوں میں وہی لوگ کافر ہیں، اور ہم نے کافروں (143) کے لیے رسوا کن عذاب تیار کر رکھا ہے

تسہیل البیان فی تفسیر القرآن - ام عمران شکیلہ بنت میاں فضل حسین

اہل کتاب کے متعلق پہلے بتایا جا چکا ہے کہ وہ بعض نبیوں کو مانتے ہیں اور بعض کو نہیں جیسے یہود نے حضرت عیسیٰ کا انکار کیا اور رسول اللہ کا انکار کیا اور عیسائیوں نے حضرت محمد رسول اللہ صلی اللہ علیہ وسلم کا انکار کیا۔ اللہ تعالیٰ نے فرمایا کہ یہ پکے کافر ہیں ایمان ایک اکائی ہے اللہ کی وحدانیت کا اقرار ہے جو دین بھی سب نبی لے کر آئے ہیں اُسے تسلیم کرنا ہے۔ پیغمبر ’’اللہ‘‘ کی جانب سے آتے ہیں لہٰذا ان میں تفریق کرنا کفر ہے۔ اور کفر کرنے والوں کے لیے رسوا کن عذاب تیا ر ہے۔