سورة النسآء - آیت 134

مَّن كَانَ يُرِيدُ ثَوَابَ الدُّنْيَا فَعِندَ اللَّهِ ثَوَابُ الدُّنْيَا وَالْآخِرَةِ ۚ وَكَانَ اللَّهُ سَمِيعًا بَصِيرًا

ترجمہ تیسیر الرحمن لبیان القرآن - محمد لقمان سلفی صاحب

جو شخص (128) دنیا میں اچھا بدلہ چاہتا ہے، تو اللہ کے پاس دنیا اور آخرت دونوں کے اچھے بدلے ہیں اور اللہ بڑا سننے والا اور خوب دیکھنے والا ہے

تسہیل البیان فی تفسیر القرآن - ام عمران شکیلہ بنت میاں فضل حسین

جو دنیا کا بدلہ چاہے مثلاً اگر کوئی شخص صرف مال غنیمت حاصل کرنے کے لیے جہاد میں شرکت کرتا ہے تو یہ کتنی بڑی نادانی ہے۔ جبکہ اللہ تعالیٰ دنیا و آخرت دونوں کا ثواب عطا کرنے پر قادر ہے۔ دنیا کا بدلہ تو محدود ہے اور آخرت ہمیشہ کا بدلہ ہے ۔ اس لیے انسان کو اپنے شعور سے ابدی فائدے کا سوچنا چاہیے۔