سورة البينة

رَسُولٌ مِّنَ اللَّهِ يَتْلُو صُحُفًا مُّطَهَّرَةً

یعنی اللہ کے رسول جو پاک صحیفے (قرآن) پڑھ کر سناتے ہیں

آپ صلی اللہ علیہ وسلم كی رسالت پر دلائل: وہ روشن اور واضح دلیل اللہ تعالیٰ كا جلیل القدر رسول ہے۔ اس كی پوری زندگی صداقت ودیانت پر دلیل ہے۔ نیز وہ قرآن ان اہل كتاب ومشركین كو پڑھ كر سناتا ہے اور اُمی ہونے كے باوجود ایسا معجزانہ كلام پیش كرتا ہے جس كی مثال پیش كرنے سے عرب فصحا اور بلغاء سب عاجز آگئے تھے۔ (صُحُفًا مُّطَہَّرَةً) اس كے دو مطلب ہیں اور دونوں ہی درست ہیں ایك یہ كہ جو قرآن وہ پیش كرتا ہے وہ ہر طرح كی تحریف، اضافہ، ترمیم یا حذف سے پاك ہے۔ دوسرا مطلب كہ قرآن كریم كی تعلیم نہایت پاكیزہ ہے۔ وہ كسی نبی كی سیرت اور كردار كو داغدار نہیں كرتا۔