سورة القدر

إِنَّا أَنزَلْنَاهُ فِي لَيْلَةِ الْقَدْرِ

بے شک ہم نے قرآن کو لیلۃ القدر یعنی باعزت اور خیر و برکت والی رات میں نازل (١) کیا ہے

شب قدر یا لیلہ مباركہ ایك ہی رات كے نام ہیں: اللہ تعالیٰ نے قرآن كریم كو لیلة القدر میں نازل فرمایا۔ اور سورئہ الدخان كی آیت نمبر ۳ میں ہے كہ: ﴿اِنَّا اَنْزَلْنٰهُ فِيْ لَيْلَةٍ مُّبٰرَكَةٍ﴾ ہم نے اس قرآن كو لیلہ مباركہ میں نازل كیا، جس سے معلوم ہوا كہ لیلة القدر اور لیلہ مباركہ ایك ہی رات كی دو صفات یا دو نام ہیں۔ پھر سورئہ بقرہ ۱۸۵ میں ہے کہ: ﴿شَهْرُ رَمَضَانَ الَّذِيْ اُنْزِلَ فِيْهِ الْقُرْاٰنُ﴾ ماہ رمضان وہ ہے جس میں قرآن اتارا گیا، جو لوگوں كو ہدایت كرنے والا ہے۔