سورة الأعلى

فَذَكِّرْ إِن نَّفَعَتِ الذِّكْرَىٰ

پس آپ نصیحت کیجیے اگر نصیحت نفع بخش ہو

پس نصیحت كیجئے: یعنی وعظ و نصیحت وہاں كریں جہاں محسوس ہو كہ فائدہ مند ہوگی۔ یہ وعظ و نصیحت اور تعلیم كے لیے ایك اصول اور ادب بیان فرما دیا ہے۔ (ابن كثیر) اور جو لوگ وعظ و نصیحت سے اُلٹا اثر لیں، مذاق اُڑانے لگیں یا مخالفت پر اُتر آئیں تو ایسے لوگوں كو وعظ و نصیحت کرنے سے اجتناب كیجئے۔ نبی كی ذمہ داری یہ ہے كہ اللہ كا پیغام سب لوگوں تك پہنچا دیں خواہ اسے قبول كریں یا برا منائیں، اور وعظ و نصیحت صرف ان لوگوں كے لیے ہے جو اس سے فائدہ اُٹھانے كے لیے تیار ہوں۔