سورة الإنفطار

وَمَا أَدْرَاكَ مَا يَوْمُ الدِّينِ

اور اے میرے نبی ! آپ کو کیا معلوم (٥) کہ قیامت کا دن کیا ہے

قیامت كی بڑائی اور اس كی ہولناكی بیان كرنے كے لیے دو بار فرمایا كہ تمہیں كس چیز نے معلوم كرایا كہ وہ دن كیسا ہوگا؟ پھر خود ہی بتلایا كہ اس دن كوئی كسی كو كچھ بھی نفع نہ پہنچا سكے گا نہ عذابوں سے نجات دلوا سكے گا۔ ہاں یہ اور بات ہے كہ كسی كی سفارش كی اجازت خود خدائے بزرگ و برتر عطا فرمائے۔ رسول اللہ صلی اللہ علیہ وسلم نے فرمایا: اے بنو ہاشم! اپنی جانوں كو جہنم سے بچانے كے لیے نیك اعمال كی تیاریاں كر لو۔ میں تمہیں اس دن خدا كے عذابوں سے بچانے كا اختیار نہیں ركھتا۔ (مسلم كتاب الایمان)