سورة التكوير

فَلَا أُقْسِمُ بِالْخُنَّسِ

میں قسم (٢) کھاتا ہوں پیچھے ہٹنے والے ستاروں کی

یعنی اللہ تعالیٰ ستاروں كی قسم كھاتے ہیں۔ طلوع كے وقت ستاروں كو خنس كہا جاتا ہے اور اپنی اپنی جگہ پر انہیں جوار كہا جاتا ہے اور چھپ جانے كے وقت انھیں كنس كہا جاتا ہے۔ یہ ستارے دن كے وقت اپنے منظر سے پیچھے ہٹ جاتے ہیں اور نظر نہیں آتے۔ یہ پانچ سیارے زحل، مشتری، مریخ، زہرہ اور عطارد ہیں جو سیدھے چلتے چلتے اچانك الٹی چال چلنے لگتے ہیں یہ خاص طور پر سورج كے رخ پر ہوتے ہیں۔ بعض كہتے ہیں كہ سارے ہی ستارے مراد ہیں كیونكہ سب ہی اپنی غائب ہونے كی جگہ پر غائب ہو جاتے ہیں یا دن كو چھپے رہتے ہیں جیسے ہرن اپنے مكان یا مسكن میں چھپ جاتا ہے۔ ان دو آیات میں غالباً انہی سیاروں كی قسم كھائی گئی ہے۔