سورة عبس - آیت 19

مِن نُّطْفَةٍ خَلَقَهُ فَقَدَّرَهُ

اس نے اسے نطفہ سے پیدا کیا، پھر اسے درست بنایا

اگر انسان یہ سوچتا كہ وہ كس حقیر قطرہ آب سے پیدا ہوا۔ کس جگہ وہ پرورش پا كر نطفہ سے بچہ بنا۔ پھر كس بے بسی كی حالت میں ماں كے پیٹ سے باہر نكلا تو اسے ہر گز یہ جرأت نہ ہوتی كہ وہ اپنے خالق كا كلام سن كر انكار كر دے۔ پھر ماں كے پیٹ میں ہی اس كی تقدیر طے كر دی گئی كہ اس كی عمر كتنی ہوگی وہ كہاں مرے گا اور كہاں دفن ہوگا، وہ تنگدست رہے گا یا خوشحال ہوگا۔ اسے ایمان میسر آئے گا یا نہیں، اور اس مقررہ تقدیر كے آگے وہ بالكل بے بس ہے۔ اس كے باوجود وہ اللہ كے مقابلہ میں اكڑتا اور كفر كرتا ہے۔