سورة النازعات

كَأَنَّهُمْ يَوْمَ يَرَوْنَهَا لَمْ يَلْبَثُوا إِلَّا عَشِيَّةً أَوْ ضُحَاهَا

کفار جب اس دن کو دیکھ لیں گے، تو ان کا حال ایسا ہوگا جیسے وہ دنیا میں صرف ایک شام یا صرف ایک صبح رہے تھے

عَشیةً، ظہر سے لے كر آفتاب غروب ہونے تك۔ ضحی سورج نكلنے سے لے كر آدھے دن تك کے وقت كو كہتے ہیں۔ یعنی جب لوگ اپنی اپنی قبروں سے اٹھ كر محشر كے میدان سے جمع ہوں گے اور جب كافر جہنم كا عذاب دیكھیں گے۔ تو دنیا كی عیش و عشرت اور مزے سب بھول جائیں گے اور انہیں ایسا محسوس ہوگا كہ وہ دنیا میں پورا ایك دن بھی نہیں رہے صرف دن كا پہلا حصہ یا دن كا آخری حصہ ہی دنیا میں رہے پھر وہ حسرت كریں گے كاش یہ تھوڑی سی مدت ہم اللہ تعالیٰ كی فرمانبرداری میں ہی گزار كر یہاں آئے ہوتے۔