سورة الإنسان - آیت 27

إِنَّ هَٰؤُلَاءِ يُحِبُّونَ الْعَاجِلَةَ وَيَذَرُونَ وَرَاءَهُمْ يَوْمًا ثَقِيلًا

ترجمہ تیسیر الرحمن لبیان القرآن - محمد لقمان سلفی صاحب

بے شک کفار جلد حاصل ہونے والی (دنیاکو) پسند (14) کرتے ہیں، اور ایک بھاری دن کو اپنے پس پشت ڈال دیتے ہیں

تسہیل البیان فی تفسیر القرآن - ام عمران شکیلہ بنت میاں فضل حسین

کفار مکہ اور ان جیسے دوسرے لوگوں کو دنیا کی دلفریبیوں، دلكشیوں اور اس كے مال و دولت سے انھیں گہری محبت ہے اس لیے ان کی ساری توجہ اسی پر ہے۔ (بھاری دن سے مراد) قیامت كو، اس كی شدتوں اور ہولناكیوں كی وجہ سے بھاری دن كہا اور چھوڑنے كا مطلب ہے كہ اس كے لیے تیاری نہیں كرتے اور اس كی پروا نہیں كرتے۔