سورة الإنسان - آیت 12

وَجَزَاهُم بِمَا صَبَرُوا جَنَّةً وَحَرِيرًا

ترجمہ تیسیر الرحمن لبیان القرآن - محمد لقمان سلفی صاحب

اور ان کے صبر کے بدلے انہیں جنت اور ریشمی لباس دیا جائے گا۔

تسہیل البیان فی تفسیر القرآن - ام عمران شکیلہ بنت میاں فضل حسین

یعنی دنیا میں ان لوگوں نے اللہ كی رضا كی خاطر بے شمار پابندیاں برداشت كی تھیں۔ اسلام كی راہ میں آنے والی مشكلات كو بھی خندہ پیشانی سے برداشت كرتے رہے تھے اس مستقل صبر كے عوض آج انھیں جنت بھی عطا كی جائے گی اور وہاں فاخرانہ ریشمی لباس بھی پہنائے جائیں گے اور وہ جنت میں پورے شاہانہ لباس كے ساتھ ٹھاٹھ سے تكیہ لگائے بیٹھا كریں گے۔