سورة الجن - آیت 10

وَأَنَّا لَا نَدْرِي أَشَرٌّ أُرِيدَ بِمَن فِي الْأَرْضِ أَمْ أَرَادَ بِهِمْ رَبُّهُمْ رَشَدًا

ترجمہ تیسیر الرحمن لبیان القرآن - محمد لقمان سلفی صاحب

اور یہ کہ ہم نہیں جانتے، زمین میں رہنے والوں کے لئے کسی شر (٦) کا ارادہ کیا گیا ہے، یا ان کے رب نے (خیر کی طرف) ان کی رہنمائی کرنی چاہی ہے

تسہیل البیان فی تفسیر القرآن - ام عمران شکیلہ بنت میاں فضل حسین

یعنی یہ تو ہمیں معلوم ہوگیا كہ آسمان پر اس قدر پابندیوں كی غرض وغایت كیا ہے۔ رہی یہ بات كہ لوگ اس قرآن پر ایمان لا كر اللہ تعالیٰ كے انعامات واكرامات كے مستحق بنتے ہیں یا انكار كر كے اللہ كے عذاب كے مستحق بنتے ہیں۔ یہ معلوم كرنے كا ہمارے پاس اب كوئی ذریعہ باقی نہیں رہا۔