سورة المعارج

سَأَلَ سَائِلٌ بِعَذَابٍ وَاقِعٍ

ایک سوال (١) کرنے والے نے اس عذاب کے جلد آنے کا سوال کیا ہے جو واقع ہونے والا ہے

كافروں كا عذاب الٰہی كا طلب كرنا: یعنی یہ كافر عذاب كے واقع ہونے كی طلب میں جلدی كر رہے ہیں جیسا کہ سورئہ الحج (۴۷) میں ہے کہ: ﴿وَ يَسْتَعْجِلُوْنَكَ بِالْعَذَابِ وَ لَنْ يُّخْلِفَ اللّٰهُ وَعْدَهٗ﴾ ’’اور وہ عذاب مانگنے میں عجلت كر رہے ہیں اور اللہ تعالیٰ ہرگز وعدہ خلافی نہیں كرتا۔‘‘ یعنی اس كا عذاب یقیناً اپنے مقررہ وقت پر آكر ہی رہے گا۔ سورئہ انفال (۳۲) میں ہے کہ: ﴿اللّٰهُمَّ اِنْ كَانَ هٰذَا هُوَ الْحَقَّ مِنْ عِنْدِكَ فَاَمْطِرْ عَلَيْنَا حِجَارَةً مِّنَ السَّمَآءِ اَوِ ائْتِنَا بِعَذَابٍ اَلِيْمٍ﴾ ’’خدایا! اگر یہ تیرے پاس سے حق ہے تو ہم پر آسمان سے پتھر برسا۔ ہمارے پاس كوئی دردناك عذاب لا۔‘