سورة الحاقة

وَلَوْ تَقَوَّلَ عَلَيْنَا بَعْضَ الْأَقَاوِيلِ

اور اگر (میرے نبی) بعض باتیں گھڑ (16) کر میری طرف منسوب کر دیتے

قرآن كریم ہدایت اور شفا ہے: جس طرح تم كہتے اگر فی الواقع ہمارے یہ رسول ویسے ہی ہوتے كہ ہماری رسالت میں كچھ كمی بیشی كرتے یا ہماری نہ كہی ہوئی بات ہمارے نام سے منسوب كر دیتے۔ تو یقینا ہم انھیں اسی وقت بدترین سزا دیتے یعنی اپنے دائیں ہاتھ سے اس كا بایاں ہاتھ تھام كر اس كی وہ رگ كاٹ ڈالتے، جس پر دل معلق ہے اور كوئی ہمارے، اس كے درمیان بھی نہ آسكتا كہ اسے بچانے كی كوشش كرے پس اس سے معلوم ہوا كہ محمد صلی اللہ علیہ وسلم سچے رسول تھے۔ پاك باز رشد وہدایت والے، اسی لیے اللہ تعالیٰ نے زبردست تبلیغی خدمت آپ صلی اللہ علیہ وسلم كو سونپ ركھی ہے۔ اور اپنی طرف سے بہت سے معجزات اور اپنی خاص تائید ونصرت سے انھیں نوازا ہوا ہے۔