سورة الملك

وَلَقَدْ زَيَّنَّا السَّمَاءَ الدُّنْيَا بِمَصَابِيحَ وَجَعَلْنَاهَا رُجُومًا لِّلشَّيَاطِينِ ۖ وَأَعْتَدْنَا لَهُمْ عَذَابَ السَّعِيرِ

اور ہم نے آسمان دنیا کو چراغوں سے سجا دیا (٣) ہے، اور ان (چراغوں) کو شیاطین کے مارنے کے لئے بنایا ہے، اور ہم نے ان کے لئے بھڑکتی آگ کا عذاب تیار کررکھا ہے

آسمان دنیا كو ہم نے ان قدرتی چراغوں یعنی ستاروں سے با رونق بنا ركھا ہے۔ ان کا دوسرا فائدہ یہ ہے كہ ان سے شیطانوں كو مارا جاتا ہے یعنی ان سے شعلے نكلتے ہیں اور نكل كر ان پر گرتے ہیں، تیسرا فائدہ ان كا یہ ہے جسے دوسرے مقامات پر بیان فرمایا گیا ہے كہ ان سے بحر و بر میں راستوں كی نشاندہی ہوتی ہے۔ شیطانوں كے لیے جہنم كا عذاب بھی ہے، جو ملائ اعلیٰ كی باتیں چوری چھپے سننے كی كوشش كرتے ہیں مگر وہاں پہنچنے سے پہلے شہاب ثاقب كی زد میں آجاتے ہیں۔