سورة المنافقون - آیت 9

يَا أَيُّهَا الَّذِينَ آمَنُوا لَا تُلْهِكُمْ أَمْوَالُكُمْ وَلَا أَوْلَادُكُمْ عَن ذِكْرِ اللَّهِ ۚ وَمَن يَفْعَلْ ذَٰلِكَ فَأُولَٰئِكَ هُمُ الْخَاسِرُونَ

ترجمہ تیسیر الرحمن لبیان القرآن - محمد لقمان سلفی صاحب

اے ایمان والو ! تمہاری دولت اور تمہاری اولاد، تمہیں اللہ کی یاد سے غافل (٧) نہ بنا دے، اور جو لوگ ایسا کریں گے وہی لوگ حقیقت معنوں میں گھاٹا اٹھانے والے ہیں

تسہیل البیان فی تفسیر القرآن - ام عمران شکیلہ بنت میاں فضل حسین

اللہ تعالیٰ اپنے مومن بندوں كو حكم دیتا ہے كہ وہ بكثرت ذكر اللہ كیا كریں اور تنبیہ كرتا ہے كہ ایسا نہ ہو كہ مال واولاد كی محبت میں پھنس كر ذكر اللہ سے غافل ہو جاؤ پھر فرماتا ہے کہ جو ذكر الٰہی سے غافل ہو جائے اور دنیا كی زینت پر ریجھ جائے، اپنے رب كی اطاعت میں سست پڑ جائے وہ اپنا نقصان آپ كرنے والا ہے۔