وَلَا تَكُونُوا كَالَّذِينَ نَسُوا اللَّهَ فَأَنسَاهُمْ أَنفُسَهُمْ ۚ أُولَٰئِكَ هُمُ الْفَاسِقُونَ
اور تم ان کی طرح نہ ہوجاؤجنہوں نے اللہ کو فراموش کردیا، تو اللہ نے انہیں ان کی ذات کی طرف سے غافل کردیا، وہی لوگ فاسق ہیں
پھر اللہ تعالیٰ فرماتا ہے كہ اللہ كے ذكر كو نہ بھولو۔ ورنہ وہ تمہیں نیك اعمال جو آخرت میں نفع دینے والے ہیں بھلا دے گا۔ جن كے ذریعے سے وہ اپنے نفسوں كو عذاب الٰہی سے بچا سكتے تھے یوں انسان خدا فراموشی سے خود فراموشی تك پہنچ جاتا ہے۔ اس كی عقل اس كی صحیح راہنمائی نہیں كرتی۔ آنكھیں اس كو حق كا راستہ نہیں دكھاتیں اور اس كے كان حق سننے سے بہرے ہو جاتے ہیں۔ نتیجتاً اس سے ایسے كام سر زد ہو جاتے ہیں جن میں ان كی اپنی تباہی و بربادی ہوتی ہے۔ یعنی اللہ كی اطاعت سے نكل جانے والے، قیامت كے دن نقصان پہنچانے والے اور ہلاكت میں پڑنے والے یہی فاسق لوگ ہیں۔