سورة الواقعة

إِنَّ هَٰذَا لَهُوَ حَقُّ الْيَقِينِ

بے شک یہ ساری باتیں یقینی طور پر برحق ہیں

یہ سب کچھ یقینا حق ہے۔ یعنی جس طرح موت ایک اٹل حقیقت ہے اور تم اس حقیقت کو غیر حقیقت بنانے پر قادر نہیں ہو سکتے، اسی طرح مقربین، اصحاب الیمین، اور اصحاب الشمال کا بتایا ہوا انجام بھی ایک ٹھوس حقیقت ہے اگر تم اسے جھٹلاتے بھی ہو تو بھی اس طرح نہ وہ ٹل سکتی ہے نہ بدل سکتی ہے۔ لہٰذا خوامخواہ شبہات پیدا کر کے اپنے آپ کو دھوکا نہ دو بلکہ آنے والے وقت کی تیاری کرو۔