سورة الواقعة

فِي سِدْرٍ مَّخْضُودٍ

وہ بے کانٹے والی بیریوں کے درختوں میں ہوں گے

کسی خاردار درخت کے کانٹے توڑ کر یا کاٹ کر اسے بے خار بنا دینے کو مَخْضُود، کہتے ہیں کہ بیری کے درخت کے جتنے کانٹے کم ہوں اتنا ہی اس کا پھل اچھا اور مزے دار ہوتا ہے۔ اور جنت کی بیریاں بالکل بے خار ہوں گی یعنی ان بیریوں کا پھل دنیا جیسا نہیں بلکہ بے حد لذیذ ہوگا۔ مَآءٍ مَّسْکُوْبٍ، یعنی (پانی وغیرہ) کا گرنا اور بہانا (السکب) لگاتار بارش، یا موٹے موٹے قطروں والی بارش کو کہتے ہیں جس کا پانی بہہ نکلے۔ یعنی مسلسل گرنے والی آبشار اور اس کا بہتا ہوا پانی ہوگا۔