سورة الرحمن

لَمْ يَطْمِثْهُنَّ إِنسٌ قَبْلَهُمْ وَلَا جَانٌّ

ان حوروں کو اہل جنت سے پہلے نہ کسی انسان نے چھوا ہوگا اور نہ کسی جن نے

اہل جنت کو ملنے والی حوروں کی صفت: یعنی وہ باکرہ اور کنواری ہوں گی کسی جن وانس کا گزر ان کے پاس نہیں ہوا، پہلی جنتوں کی حوروں کے اوصاف میں اتنا جملہ وہاں تھا کہ وہ یاقوت ومرجان جیسی ہیں یہاں ان کے لیے یہ نہیں فرمایا گیا۔ پھر سوال ہوا کہ تمہیں رب کی کس کس نعمت کا انکار ہے۔ یعنی کسی نعمت کا انکار نہ کرنا چاہیے۔