سورة الرحمن

وَلَهُ الْجَوَارِ الْمُنشَآتُ فِي الْبَحْرِ كَالْأَعْلَامِ

اور اسی کے لئے وہ جہاز (١١) ہیں جو سمندر میں پہاڑوں کے مانند اونچے دکھائی دیتے ہیں

پھر فرمایا کہ سمندر میں چلنے والے بڑے بڑے بادبانی جہاز جو دور سے پہاڑوں کی طرح کھڑے دکھائی دیتے ہیں جو ہزاروں من مال اور سینکڑوں انسانوں کو اِدھر اُدھر لے آتے ہیں یہ بھی تو اس خدا کی ملکیت میں ہیں۔ اس عالی شان نعمت کو یاد دلا کر پھر اللہ تعالیٰ پوچھتا ہے کہ اب بتاؤ انکار کیے کیسے بن آئے گی۔