سورة النجم

أَعِندَهُ عِلْمُ الْغَيْبِ فَهُوَ يَرَىٰ

کیا اس کے پاس غیب کا علم ہے پس وہ دیکھ رہا ہے (کہ اللہ کی راہ میں خرچ کرنے سے مال ختم ہوجاتا ہے)

کیا وہ دیکھ رہا ہے: یعنی کیا وہ دیکھ رہا ہے کہ اس نے فی سبیل اللہ خرچ کیا تو اس کا مال ختم ہو جائے گا؟ نہیں غیب کا یہ علم اس کے پاس نہیں ہے۔ بلکہ وہ خرچ کرنے سے گریز محض بخل، دنیا کی محبت اور آخرت پر عدم یقین کی وجہ سے کر رہا ہے۔ اطاعت الٰہی سے انحراف کی وجوہات بھی یہی ہیں۔ آخرت کے متعلق ان دونوں یعنی ولید بن مغیرہ اور اس کا مشرک ساتھی کا علم نہایت ناقص اور ظن و قیاس پر مبنی تھا۔