سورة النجم

بِسْمِ اللَّهِ الرَّحْمَٰنِ الرَّحِيمِ

میں شروع کرتا ہوں اللہ کے نام سے جو نہایت مہربان، بے حد رحم کرنے والا ہے

تعارف سورة النجم: حضرت عبداللہ رضی اللہ عنہ سے مروی ہے کہ سب سے پہلی آیت جس میں سجدہ تھا سورۂ النجم اتری ہے۔ نبی صلی اللہ علیہ وسلم نے اور آپ کے پیچھے لوگ جتنے تھے سب نے سجدہ کیا، لیکن ایک شخص کو میں نے دیکھا کہ اس نے اپنی مٹھی میں مٹی لے کر اسی پر سجدہ کر لیا پھر میں نے دیکھا کہ وہ اس کے بعد کفر کی حالت میں ہی مارا گیا یہ اُمیہ بن خلف تھا۔ (صحیح بخاری: ۴۸۶۳) بعض طریق میں اس کا نام عتبہ بن ربیعہ بتلایا گیا ہے ۔