سورة ق - آیت 11

رِّزْقًا لِّلْعِبَادِ ۖ وَأَحْيَيْنَا بِهِ بَلْدَةً مَّيْتًا ۚ كَذَٰلِكَ الْخُرُوجُ

یہ بندوں کے لئے روزی ہوتی ہے، اور بارش کے پانی کے ذریعہ ہم مردہ شہر کو زندہ کردیتے ہیں، مردوں کا زندہ ہو کر قبروں سے نکلنا اسی طرح ہوگا

انسانوں کو دوبارہ زندہ کرنا: جس طرح ہم نے مردہ زمین کو زندہ کر دیا وہ لہلانے لگی اور خشکی کے بعد تروتازہ ہو گئی اور چٹیل سوکھے میدان سر سبز ہو گئے یہ مثال ہے موت کے بعد دوبارہ جی اُٹھنے کی اور ہلاکت کے بعد آباد ہونے کی۔ یہ نشانیاں جو تم روز مرہ دیکھ رہے ہو کیا تمہاری رہبری اس امر کی طرف نہیں کرتیں کہ خدا مردوں کے جلانے پر قادر ہے۔ سورہ غافر ۲ سورہ احقاف ۳۳، سورہ فصلت (۳۹) میں بھی اسی مضمون کو بیان کیا گیا ہے۔