سورة الفتح

إِنَّا أَرْسَلْنَاكَ شَاهِدًا وَمُبَشِّرًا وَنَذِيرًا

اے میرے نبی ! ہم نے بے شک آپ کو گواہ (٦) اور خوشخبری دینے والا اور ڈرانے والال بنا کر بھیجا ہے

اللہ تعالیٰ فرماتا ہے کہ ہم نے تمہیں مخلوق پر شاہد بنا کر بھیجا ہے۔ آپ صلی اللہ علیہ وسلم کو اللہ قیامت کے دن اپنی امت کی گواہی دیں گے ان کی بھی جو آپ صلی اللہ علیہ وسلم پر ایمان لائے اور ان کی بھی جنھوں نے تکذیب کی۔ آپ صلی اللہ علیہ وسلم کو مومنوں کو خوشخبریاں دینے والا اور کافروں کو ڈرانے والا بنا کر بھیجا ہے۔ تاکہ اے لوگو! اللہ اور اس کے نبی پر ایمان لے آؤ۔ اور اس کی عظمت احترام کرو۔ اس کی بزرگی اور پاکیزگی کو تسلیم کرو اور اس لیے کہ تم اللہ تعالیٰ کی صبح و شام تسبیح کرو۔