سورة محمد - آیت 17

وَالَّذِينَ اهْتَدَوْا زَادَهُمْ هُدًى وَآتَاهُمْ تَقْوَاهُمْ

ترجمہ تیسیر الرحمن لبیان القرآن - محمد لقمان سلفی صاحب

اور جن لوگوں نے ہدایت کو قبول کیا، اللہ نے انہیں اور زیادہ ہدایت دی، اور انہیں ان کے حصہ کے تقویٰ سے نوازا

تسہیل البیان فی تفسیر القرآن - ام عمران شکیلہ بنت میاں فضل حسین

اللہ تعالیٰ تقویٰ عطافرماتا ہے: یعنی جس کی نیت ہدایت حاصل کرنے کی ہوتی ہے۔ انھیں خدا خود بھی توفیق دیتا ہے۔ اور ہدایت نصیب فرماتا ہے پھر اس پر جم جانے کی ہمت بھی عطا فرماتا ہے۔ اور ان کی ہدایت بڑھاتا رہتا ہے۔ حدیث میں ہے جب بندہ گناہ کرتا ہے تو اس کے دل پر ایک سیاہ نقطہ لگ جاتا ہے اگر توبہ نہ کرے تو آہستہ آہستہ سارا دل سیاہ ہو جاتا ہے۔(ترمذی: ۳۳۳۴)