سورة آل عمران - آیت 162

أَفَمَنِ اتَّبَعَ رِضْوَانَ اللَّهِ كَمَن بَاءَ بِسَخَطٍ مِّنَ اللَّهِ وَمَأْوَاهُ جَهَنَّمُ ۚ وَبِئْسَ الْمَصِيرُ

ترجمہ تیسیر الرحمن لبیان القرآن - محمد لقمان سلفی صاحب

کیا جو شخص رضائے الٰہی (111) کا تابع رہا، اس شخص کی طرح ہوگا جو اللہ کی ناراضگی لے کر لوٹا، اور اس کا ٹھکانا جہنم ہوگا، اور وہ برا ٹھکانا ہوگا

تسہیل البیان فی تفسیر القرآن - ام عمران شکیلہ بنت میاں فضل حسین

اس آیت میں انھیں دو گروہوں کا تقابل پیش کیا جارہا ہے۔ جو غزوہ بدر اور اُحد میں نبردآزما تھے۔ان میں سے ایک گروہ اللہ کی رضا اور دین کی سربلندی کے لیے لڑرہا تھا اور دوسرا اللہ کے دین کو کچلنے اور مسلمانوں کو صفحہ ہستی سے نیست و نابود کرنے کے لیے لڑرہا تھا، اور یہی دوسرا گروہ ہی اللہ کے غضب میں گرفتار ہوا اور بالآخر اپنا وجود ہی کھوبیٹھا اور اخروی زندگی میں جہنم اس کا مقدر ہوچکی ہے لڑائی کے اعتبار سے دونوں کی سرگرمیاں ایک جیسی تھیں مگر ان دونوں کے انجام ایک دوسرے کی عین ضد ہیں۔