سورة الجاثية

فَلِلَّهِ الْحَمْدُ رَبِّ السَّمَاوَاتِ وَرَبِّ الْأَرْضِ رَبِّ الْعَالَمِينَ

پس تمام تعریفیں (٢١) اللہ کے لئے ہیں جو آسمانوں اور زمین کا رب ہے جو سارے جہان کا رب

تمام تعریف زمین و آسمان اور ہر چیز کے مالک اللہ تعالیٰ ہی کے لیے ہے جو کل جہانوں کا پالنہار ہے اسی کی کبریائی یعنی سلطنت اور بڑائی آسمانوں اور زمینوں میں ہے۔ وہ بڑی عظمت اور بزرگی والا ہے۔ ہر چیز اس کے سامنے پست ہے۔ ہر ایک اس کا محتاج ہے۔ ایک حدیث قدسی میں آتا ہے کہ: ’’اللہ تعالیٰ فرماتا ہے ’’عظمت میرا تہبند ہے۔ اور کبریائی میری چادر ہے۔ جو شخص ان میں سے کسی کو بھی مجھ سے لینا چاہے گا میں اسے جہنم رسید کروں گا۔ (مسلم: ۲۶۲۰، ابوداؤد: ۴۰۹۹۰)