سورة الجاثية

وَتَرَىٰ كُلَّ أُمَّةٍ جَاثِيَةً ۚ كُلُّ أُمَّةٍ تُدْعَىٰ إِلَىٰ كِتَابِهَا الْيَوْمَ تُجْزَوْنَ مَا كُنتُمْ تَعْمَلُونَ

اور آپ ہر جماعت کو گھٹنوں کے بل گری ہوئی حالت میں دیکھیں گے، ہر جماعت اپنے نامہ اعمال کی طرف بلائی جائے گی (اور کہا جائے گا کہ) آج تمہیں تمہارے کئے کا بدلہ چکایا جائے گا

یعنی پہلے ہر قسم کے مجرموں کے الگ الگ گروہ بنائے جائیں گے وہ دن ایسا ہولناک ہو گا کہ ہر شخص گھٹنوں پر گرا ہوا ہو گا یہ اس وقت جب کہ جہنم ان کے سامنے لائی جائے گی اور وہ ایک جھر جھری لے گی۔ جس سے ہر شخص کانپ اٹھے گا۔ اور اپنے گھٹنوں پر گر جائے گا۔ تاآنکہ سب کو حساب کتاب کے لیے بلایا جائے گا۔