حضرت عیسیٰ علیہ السلام کی پیدائش اور پہلی مرتبہ دنیا میں آنا تو خاص بنی اسرائیل کے لیے ایک نشان تھا۔ اور دوبارہ آنا قیامت کا نشان ہو گا۔ ان کے نزول سے لوگ معلوم کر لیں گے کہ اب قیامت بالکل قریب آ لگی ہے۔ جیسا کہ سورہ النساء (۱۵۹) میں فرمایا: ﴿وَ اِنْ مِّنْ اَهْلِ الْكِتٰبِ اِلَّا لَيُؤْمِنَنَّ بِهٖ قَبْلَ مَوْتِهٖ﴾ ’’ان کی موت سے پہلے پہلے ایک ایک اہل کتاب ان پر ایمان لائے گا۔ اور قیامت کے دن آپ ان پر گواہ ہوں گے۔‘‘